Ai, o outono! Unha estación para moitos melancólica, tempo de plans fogareños e de cinema, de choiva e follas multicolores vertidas polas rúas, de pratos de culler e castañas quentes. Con todo, esta é probablemente a mellor estación para planificar unha viaxe a unha casa rural en compañía dos teus amigos, da túa parella ou da túa familia.
En Galicia existe unha rica oferta respecto diso en torno ao turismo de casas rurais, xa que debido á nosa xeografía privilexiada, a diversidade de paisaxes e a alta porcentaxe de zonas verdes, todos os intrépidos afeccionados ao sendeirismo, á fotografía ou a descubrir novos lugares infestados de maxia están de parabén nas nosas paraxes.
E por que outono é unha época tan especial para visitar unha casa rural durante uns días? Dámosche cinco motivos de peso a continuación.
1. Desconexión da rutina e do tedio: No verán os días son máis longos e calorosos, hai máis tempo para levar a cabo plans de lecer e normalmente, a xente dispón dunhas vacacións máis longas. No outono, o traballo acumúlase, e fronte a outros plans máis intensos, unha casa rural é unha solución magnífica para parar os reloxos e escapar da tensión.
2. As paisaxes máis bonitas do ano: Especialmente se viaxas cámara en man, esta estación do ano é idónea para pasear, facer rutas polo bosque e disparar o obxectivo en busca das fotografías máis creativas. Atoparás os montes alagados de preciosas cores, follas caídas e castañas, un dos nosos alimentos máis típicos galegos no outono.
3. O clima acompaña: A pesar de que as temperaturas baixan e aumentan as precipitacións, o clima é aínda suave no outono, permitíndoche realizar actividades ao aire libre sen o sufoco da calor, nin o frío do inverno. Alongar un paseo polo bosque para ver a posta de sol co suave clima e as cores avermelladas e marróns da estación é ideal antes de darse unha boa cea na túa casa rural favorita.
4. Época de cogomelos!: Para os amantes dos cogomelos, esta época é moi especial, xa que os gourmets poden gozar da súa degustación, mentres que os máis afeccionados máis acérrimos poden lanzarse ao monte para colleitalas. Se es un afeccionado á carne, estamos en época de caza, e moitas casas rurais incorporan delicias como o xabaril ou o corzo á oferta dos seus restaurantes.
5. Prezos máis baixos: A nivel das axencias e empresas turísticas, no outono atopámonos en tempada baixa, polo que se queres coidar o teu peto e non gastarte un diñeieral, atoparás ofertas moito máis económicas que noutros momentos como o verán, o Nadal ou Semana Santa, gozando dos mesmos servizos.
