Encántame camiñar para pensar... que os pés decidan onde ir, para que a cabeza poida pensar no que necesite. E os pés deciden moitas veces ir ata a Illa das Esculturas e arredores.
E non é casual que repita, pois a illa é unha das zonas máis fermosas e tranquilas da cidade e, por riba, ten moi bo acceso. A antes chamada Illa do Cobo, é en si mesma unha xunqueira de máis de 6 hectáreas de gran interese natural e paisaxístico (declarada como Lugar de Importancia Comunitaria (LIC) e incluída na Rede Natura 2000), que a finais do século XX foi transformada en parque e museo ó aire libre..
Para acceder contamos con varias pasarelas e pontes, sendo a máis espectacular de todas unha ponte peonil colgante, a cal permite que pasemos á outra marxe do río, onde podemos conectar coa Senda do Lérez (ruta duns 12 quilómetros que vai pegada a ambas marxes do río Lérez, desde a Ponte dos Tirantes ata o encoro de Bora).
Como museo, a Illa das Esculturas expón de forma permanente e gratuíta obras dunha ducia de artistas de recoñecemento internacional, as cales teñen o granito, a pedra galega por excelencia, como nexo entre elas e o contorno.
Como non son un afeccionado ás esculturas, vou deixar que outros con máis criterio fagan unha valoración en profundidade das obras, por exemplo a que fan na web do Pazo da Cultura. En calquera caso, aínda que pagán na materia, non me resisto a indicar as que máis me gustan :)
"Los 36 justos" de Fernando Casás, basada en una leyenda que cuenta como el mundo mantiene su equilibrio gracias a 36 personas que viven discretamente entre el resto. Aquí podéis ver un detalle de uno de los Justos.
"Pyramid" de Dan Graham, por su geometría.
"Bancos de Piedra" de Jenny Holzer, que incitan a pararse, pensar y meditar.
Como parque e zona de recreo conta co Parque da Familia, situado entre a illa e o complexo universitario. Este parque infantil ten multitude de xogos para os máis pequenos, mentres que os adultos dispoñemos dun quiosco-cafetería desde onde vixiar ós peques mentres nos tomamos algo.
Por suposto dispón de múltiples carreiros para pasear e facer deporte, que conforman tres circuítos de entre 1 e 1,8 km., polo que é fácil ver a moita xente correndo ou paseando en bici. Pero o contorno é tan agradable que non nos quedamos só en terra, senón que é moi habitual ver a deportistas practicando piragüismo nas augas Lérez.
De entre as actividades e eventos que tamén acolle o lugar podemos destacar o Surfing the Lerez Festival que todos os anos lle pon ritmos alternativos á cidade.
Vamos, unha visita obrigada para os que se estean de visita pola cidade, e por suposto, zona habitual para tantos pontevedreses que gocen deste marabilloso espazo a diario :)
